نفت الإعلامية رضوى الشربينى الشائعات التى تداولت بشأن ارتباطها مؤخراً، من خلال فيديو لايف عبر حسابها الرسمي عبر فيس بوك قالت فيه:
رضوى الشربيني ترد على الشائعات حول زواجها الأخير
“الحقيقة إن أنا داخلة في السنة الخامسة من برنامج “هي وبس” وبيطلع عليا إشاعات كتير مرة اتجوزت 13 و14 مرة، ومرة من فلان وعلان، وبقالي 5 سنين بسمع كلام مش محترم ومش مظبوط، كل أسبوع أو كل شهر بيطلع عليه إشاعات، وكل الحاجات اللى مرت بيها ساكتة خالص، مهما حصل، وما كنتش بتكلم لأن ربنا موجود وهيبين الحقائق، واللى عايز يحبنى أو يعرف عني حاجة كويسة هو حر، لكن النهارده طلعت من حلقة يوم السبت لاقيت إشاعة غريبة”.
وأضافت: “أنا واحدة مش مرتبطة يا جماعة، اتنين لما يبقى في شخص أو مواطن مش محترم يطلغ عليه إشاعة مش محترمة، لو أنت ما بتحبنيش طلع إشاعة بس ما تضرش عيلة ملهاش أي ذنب، ما تضرش راجل محترم أو ست محترم ملهمش أى ذنب غير أن الناس دي أخواتي فعلاً”.
ويُذكر أن رضوى الشربيني كانت قد تزوجت سابقاً وأنجبت طفلتين قبل أن تنفصل عن زوجها.
