نادية الجندي تتصدر الترند بسبب تصريحاتها مع “أبلة فاهيتا”
حلت النجمة الكبيرة نادية الجندي، ضيفة على الدمية الشهيرة “أبلة فاهيتا”، في الموسم السابع لبرنامجها “لايف من الدوبليكس”، وتصدرت نجمة الجماهير الترند بسبب تصريحاتها في الحلقة.
[divider style=”solid” top=”20″ bottom=”20″]
نادية الجندي
قالت النجمة المصرية، الجبروت بتاعي بيظهر في الأفلام بس واسم الدلع اللي بحبه هو “نونة”، وأنا مواليد 24 مارس والعمر بالنسبة ليا مجرد رقم بس في الورق.
وأضافت: “مفيش حد يقدر يعمل قصة حياتي وده ثقة بالنفس مش غرور، عن أكثر أغنية مهرجانات تحبها قالت، بحب أغنية “بنت الجيران” وحتى كنت بسمعها وأنا في باريس الأجانب بيغنوها.
وروت الفنانة عن أغرب معجب واجهته قائلة: “كان في واحد مجنون بجد بيقف ليا تحت البيت وبيقول عاوز أشوفها ولما الناس تمنعه بيقلع هدومه في الشارع لغاية لما جابوله البوليس”.
[divider style=”solid” top=”20″ bottom=”20″]
الفنانة تصرح عم عملها
تابعت: “أنا بحب شغلي جداً ودايماً بحافظ على رشاقتي وبعمل رياضة ولياقة بدنية عشان بعمل أدوار أكشن، ولازم أصحى بدري وبحافظ على جسمي ومش بدخن، وحارمة نفسي من الأكل الحلو عشان كده محافظة على جسمي“.
وأردفت في حديثها: “عملت مسلسل “سكر زيادة” في رمضان الماضي وعجبني جداً لأن الشخصية كوميديا جداً، وأنا ونبيلة عبيد مفيش بينا تنافس لأن هي لون وأنا لون تاني، والأخبار اللي كانت بتنتشر وقتها مجرد أخبار سخنة من الصحافة وأكتر حلقة عجبتني في مسلسل “سكر زيادة” كانت اللي فيها أحمد السقا، وأحلى مشهد لما راح مطيرني في الهوا، لأني عملته من غير دوبلير بسبب رشاقتي“.
[divider style=”solid” top=”20″ bottom=”20″]
وقالت الفنانة المصرية، “هناك علاقة صداقة بيني وبين طليقي المنتج، محمد مختار، لأن فيه بينا عشرة وذكريات جميلة والناس الأصيلة هي اللي بتحافظ على العلاقة دي، وكمان إحنا عملنا أحلى أفلام في صناع السينما المصرية، وهو شريك نجاح وصراعات ورحلة طويلة من الكفاح والنجاح مش مجرد زوج بس“.
[divider style=”solid” top=”20″ bottom=”20″]
اقرأ أيضاً: الفنان محمد منير أصفق لـ نادية الجندي ونبيلة عبيد في سكر زيادة
تصريحاته جريئة للفنان المصري محي اسماعيل .. والجمهور يتفاعل
[divider style=”solid” top=”20″ bottom=”20″]
