طرائف وغرائبمنوعات

شاب مصري يشبه ميسي يثير الجدل على مواقع التواصل -صور

مع أنهم لم يقابلوا، ليونيل ميسي، الحقيقي إلا أن التشابه العجيب بين الشاب المصري، إسلام بطاح، ولاعب نادي برشلونة الإسباني جعل أطفالاً يقيمون في دار لرعاية الأيتام بمدينة الزقازيق، يلتفون حول الشاب وهم سعداء للغاية، بغض النظر عن كونه اللاعب الحقيقي أم مجرد شبيه.


شبيه ميسي
شبيه ميسي

شاب مصري يشبه ميسي

شعر بطاح البالغ من العمر 27 عاماً، بسعادة غامرة عندما رأى الإثارة التي أحدثها وجوده في المكان ورأى الأطفال، يتعاملون معه وكأنه اللاعب الأرجنتيني حتى أنه ارتدى قميص نادي برشلونة وشارك في مباراة لكرة القدم مع الأطفال الأيتام.

وقال “والله أنا في الفترة الأخيرة من أول ما بدأت إن أنا أربي دقني وكده، بدأ صحابي يقولوا لي إن أنت فيك شبه من اللاعب الأرجنتيني “ليونيل” أو كده. فلما تركت دقني طبعاً تكبر أكتر الشبه زاد معايا، وطبعاً إيه بدأ صحابي يقولوا لي طب ما تعمل فيديوهات أو تصور نفسك، وتنزل مثلاً نفسك على مواقع السوشيال ميديا أو كده، فأنا طبعاً مكنتش بأشغل بالي بالكلام ده خالص يعني. كنت باشتغل، كان الشغل هو اللي واخد كل وقتي يعني”.


وأضاف شبيه ليونيل “يعني الفرحة دي حاجة في القلب كده، لما الواحد جه هنا حسيت بفرحة يعني مفيش بعدها يعني، وفرحة الأطفال الصغيرين بالشبه اللي ما بيني وما بين اللاعب الشهير لما أنا دخلت عليهم كده المعلب كانت حاجة ما شاء الله يعني. مش عاوز أقولكوا يعني”.

وتابع “فأي حد ربنا يقدره على أي حاجة ده إسعاد الطفل، إن أنت تدخل البسمة على وش الطفل كده، ماشي. ده حاجة أنت بتحسها في قلبك بعيداً عن أي حاجة. وأنا جيبت النهاردة هنا عشان خاطر طبعاً إيه أقدم الدعم المعنوي اللي أنا قدرت إن أنا أعمله، ولو أقدر أو أي حاجة ربنا هيقدرني عليها أنا هاعملها”.

ومن بين الأطفال الذين لعبوا كرة القدم مع، بطاح كان، عمار عشري، الذي قال “أنا كنت بأحلم إن أنا أشوف ليونيل ومحمد صلاح. فالنهاردة ليونيل شفته وبيلعب معاي كورة. أنا عايز أشوف محمد صلاح يلعب معايا كورة”، في إشارة لاعب نادي ليفربول الإنكليزي.

وقال طفل يتيم آخر “فرحت من جوايا، قلت دا ليونيل جاي يلعب معانا، وكنت بألعب كورة لقيته جه لعب معانا كورة، فأنا بقه إيه نفسي أنا أشوف محمد صلاح والناس اللعيبة دي”.


وعبر مدير دار الأيتام، محمد السيد/ عن سعادته بالزيارة، مشيراً إلى أهميتها في رفع معنويات الأطفال نزلاء الدار.

قائلاً “اللي نورنا النهاردة الأستاذ إسلام شبيه اللاعب العالمي، هو ليونيل الشرقية مش ليونيل برشلونة، أعطى دفعة قوية جداً للولاد، بيساعدنا الدعوات دي أو الزيارات القوية اللي زي دي إن إحنا بنطور من أداء الولاد بتاعتنا وبنكتشف عندهم بعض المواهب والهوايات الفنية اللي بنقدر نقف عليها وبنعيد تطويرها وتقييمها لأن مهمتنا كلها إعادة التأهيل وإعادة دمجهم مرة أخرى للحياة الطبيعية”.

شاهد أيضاً: مرشح رئاسة نادي برشلونة يرد على تسريبات “العقد الفرعوني” ليونيل نصف مليار يورو

ليونيل يحقق إنجازا غير مسبوق في برشلونة.. وينقذ فريقه الإقصاء من بطولة كأس ملك إسبانيا

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى