لحظة انهيار والدة طالبة المنصورة نيرة داخل المحكمة..وسط اعترافات جديدة وتفصيلية-فيديو
بدأت صباح اليوم، أولى جلسات محاكمة الطالب المصري، محمد عادل، المتهم بقتل طالبة المنصورة نيرة أشرف وذبحها أمام جامعة المنصورة، في محكمة جنايات المنصورة وسط حضور كبير ومتابعة واسعة من قبل وسائل الإعلام.
انهيار والدة طالبة المنصورة نيرة
وانهارت أسرة الطالبة نيرة أشرف بالبكاء بعد دخول الجاني إلى قاعة المحكمة ولحظة مشاهدتها له بحرقة قلب كبيرة أثرت بالحاضرين.
وأكدت والدة الطالبة نيرة أشرف، طالبة المنصورة، بأنها في انتظار القصاص العاجل من القاتل، قائلة: “يارب إعدام يارب إن شاء الله، حرق قلبي على بنتي، مفيش حاجة تبرد ناري”.
والدة نيرة أشرف تبكي داخل المحكمة مفيش حاجة تبرد ناري#صدى_البلد #البلد pic.twitter.com/Xedw4lF4TQ
— صدى البلد 🇪🇬 (@ElBaladOfficial) June 26, 2022
كا وقال المتهم محمد عادل داخل قاعة المحكمة أمام القاضي، بعد أن اعترف بارتكابه الجريمة وسرد تفاصيل علاقته بالطالبة نيرة أشرف به: “من شهر ونص لقيت واحدة بتهددني وقالت لي هجيبلك رجالة يضربوك ويفضحوك، طبعا أنا اتصدمت والمكالمة دي استمرت ساعة وقالت لي كلام ماينفعش أقوله وكمية تهديدات”، بحسب مواقع محلية رسمية.
وتابع: “أهلي مكانش عاجبهم الموضوع عشان هم ليهم نظرة، ومرضيتش أدخلهم في الموضوع عشان مكانش عاجبهم الموضوع من الأول ولا هي كانت عاجباهم، وفضلت مصدوم فترة، وجيت في يوم قلت أرد لها الشتيمة اللي هي شتمتها وعملت ميل وردت لها كل الشتايم عشان رد اعتباري بعد ما عملت لي بلوك من كل حتة”.
وأردف المتهم: “أنا قعدت فترة مكنتش مصدق إنها هي اللي اتصلت وقالت لي الكلام ده وردت لها كل كلامها، وكانت حاطة في دماغها اني هرجع أطالبها بكل حاجة، وبعتتلي صاحبتها قالتلي لو فتحت بقك وطالبت بحاجة أنا عاملة محضر بكل حاجة وهأذيك وهجبلك ناس لو فتحت بقك وقعدنا نتحايل عليها نقولها مش عايزين حاجة منك ولو على الحاجات اللي كتبتها يعتبر أنت كتبتي زيها فاحنا يعتبر خالصين”.
واستطرد: “هي كانت بتقول لأ، وقعدنا 3 شهور نقولها مش عايزين حاجة ولا هنطالب بحاجة وخلاص كل واحد من طريق، ونتقابل في النيابة، ولحد شهر 3 سنة 2021 قلتلها اللي عايزة تعمليه اعمليه..هي أصغر إخواتها وأنا كنت بكلم أهلها واخواتها عشان يحلوا الموضوع ويساعدونا ننهي الموضوع، فقالولي إحنا مالناش دعوة، وأبوها وأمها عملولي بلوك، وإخواتها قالوا إحنا ناس متجوزة ومالناش دعوة وروح اتكلم معاها في الكلية”.
وختم المجرم المصري محمد عادل حديثه بالقول:
“نيرة راحت اتبلت عليا، وقالت ده اتهجم عليا وكان عايز يتعرضلي والأمن جه ومحدش كان مصدقها عشان الأمن عارفني وعارف إني ماليش في الحاجات اللي بتقول عليها دي، وروحنا بعد الامتحان زي تحقيق كدا، وقال لظابط الأمن أنا معرفوش ده بيطاردني واتقدملي وأهلي رفضوه وبيتهجم عليا وبيتعرضلي في كل حتة وماليش علاقة بيه”.
تابع المزيد:
)) تفاصيل حادثة وفاة مصري 11 مرة وعودته للحياة مجدداً رغم توقف قلبه 35 دقيقة كاملة
)) بالفيديو|| قصيدة إسرائيلية في الكونغرس الأمريكي تثير الجدل بعد إلغاء “حق الإجهاض”
