بالفيديو|| إعلامية مصرية تغازل حارس منتخب المغرب ببث مباشر وتوجه رسالة لمدربه “الركراكي”
غازلت الإعلامية ياسمين عز، خلال حلقة في برنامجها “كلام الناس” حارس منتخب المغرب ياسين بونو، ووجهت رسالة لمدربه “الركراكي”.
مغازلة حارس منتخب المغرب
وقالت الإعلامية المصرية الشهيرة “نداء وطلب بسيط من حبايبي وحبيباتي بعض البنات.. اللي مقطعين نفسهم على الحارس المتألق ياسين بونو بقالهم كام يوم الحالة مش طبيعية.”
وتابعت:” سيبوا الراجل يركز في شغله يا جماعة.. مش كده يا جماعة.. أيوه الولد وسيم وجان ما شاء الله طول بعرض ويستاهل ياخد لقب رجل كأس العالم كله مش رجل ماتش امبارح بس ولكن الراجل مرتبط ومتجوز ومخلف”.
وأضافت: “فأرجوكم يا جماعة سيبوا الراجل في حاله.. واللي أعرفه برضه أو اللي كلنا عارفينه ولو انتوا ما تعرفوش أنا بقولكوا إنه بيحب مراته وبيموت فيها فعيب يا جماعة وما يصحش الكلام اللي انتوا عمالين تكتبوه والرسايل اللي عمالين تبعتوها له أو لمراته.. هتقولولي عرفتي إزاي؟ عرفت.. عرفت إنكم بتبعتوله وبتبعتوا لمراته”.
وواصلت : “فأنا بحملكم مسئولية أي حاجة تحصل مع ياسين بونو الماتش الجاي وبعدين مبابي ما بيرحمش.. سيبوه يركز وادعوله ربنا يوفقه في الملعب إن شاء الله وبره الملعب ومع زوجته الجميلة إيمان.. ومش معنى إن زوجته بقالها 4 سنين ما نزلتش أي صورة ليهم على انستجرام أو على أي موقع من مواقع السوشيال ميديا إن هي مش بتحبه والكلام ده يا سيدي يمكن نجمه خفيف وبتخاف عليه من الحسد.. يمكن الست بتخاف جوزها يتحسد فنتعلم منها اتعلموا منها بدل ما تتنمروا عليها”.
ووجهت رسالة باللهجة المغربية لأسود الأطلس، قائلة: “الله يحفظك سي وليد الركراكي، ربي معاك يا حكيمي أنت وزياش ومرابط، والله مزيان يا زلزولي، ونحبك بالزاف با بونو، سير خوي أوناحي سير، هذه بداية ومازال مازال، جيبوها يا الولاد، مربوحة إن شاء الله وديما مغرب، هلا هلا المغاربة سبوعة ورجالة، ديروا النية ينصرنا العالي تعالى”.
تابع المزيد:
))شاهد: العثور على بقايا سفينة اختفت منذ أكثر من 100 عام.. كان لها تواصل مع طاقم سفينة تيتانيك
))“مشاهد لا تصدق”.. معركة نادرة بين نوعين من الحيتان تخللها صفعات وصراخ
))حل لغز غامض عمره 20 عاما قرب حطام سفينة تايتانيك
